نكت تموت من الضحك

أكو شايب حب يجدد حبه لزوجته العجوز ؛ كالها : شنو رايج نعيد ايام زمان ؛ وأنزل على باب الدكان ونتقابل هناك واتغزل بيج ؛ حبت العجوز الفكره ؛ ونزل الشايب وكعد ينتظر ساعة ساعتين ثلاث ساعات ولا أجت العجوز ؛ رجع للبيت لكاها كاعدة تبجي سألها شنو الصار ؟ كالت : ابــوية
ماخلاني اطلع

اصلع كلما يشوف المشط يظل يبكي ليش؟ يتذكر ايام الخير

فد يوم واحد وره ما خلص صلاة كال يا رب سوي روما عاصمة اليابان ...امه كلتله ليش هذا الدعاء كاللها موكتبت هيج بالامتحان

كردي مدرب كرة قدم طلع لاعب رقم عشرة ودخل اثنين رقم خمسة

كردي راح يخطب لبس بجامه وراح
سألوا ليش لبس بجامه كال اخاف اصير قسمه ابات يمكم

عجوزي ديزين يم الحلاق
الحلاق كله لحية لو شعر
كله لحية
الحلاق كله ارفع راسك
كله ديلا خليها شعر

اكو وحدة بس تتمكيج اجاهة زوجهة كاللهة تمكيجي اكثر بلكي يعجب بيج عزرائيل وياخذج

قناة الموصلية الفضائية سووا برنامج بشهر رمضان اسمه فطورنا عليكم

كردي كلوله اذا طياره تريد توكع بالبحر شتسوي كال اطفر او الزم بالشجره
كلوله هوه البحره ما بيه شجره
كال لعد شسوي مجبور

اكو واحد يريد يسافر واخذ ويا كونية مال شكر ليش؟
كال يكولون الغربة مرة

مأساة شخص
واحد كاعد على ابو نواس اجاه واحد كله شبيك كاتل روحك ماكو شي يسوة

كله شلون قبل اربع اشهر ابويه مات بطلقة تايهة وعافلي عمارة بالكرادة

وقبل ثلاث اشهر امي انفجرت عليها مفخخة وعافتلي بستان بالدورة

وذاك الشهر اخوية كتلته عصابه علمود سيارته وعافلي معرض سيارات بالبياع

وهالشهر :::::::::: كلشي ماكو

اكوثنين كفار جاي يمشون واحد منهم عثر.صاحبه كله الله. كله ليش تكول الله احنه مو كفار كله.اهوووووووو والله نسيت

شباب لا تنسونا بردودكم الحلوة